विश्वमा लाखौँ बिरामी अङ्ग प्रत्यारोपणको प्रतीक्षामा, नेपालमा जनचेतना विस्तारमा जोड

काठमाडौं।

विश्व अङ्गदान दिवसको अवसरमा शहिद धर्मभक्त राष्ट्रिय प्रत्यारोपण केन्द्र भक्तपुरद्वारा आयोजित कार्यक्रममा वक्ताहरूले अङ्गदानलाई मानवताको सर्वोच्च सेवाका रूपमा स्थापित गर्दै नेपालमा अङ्गदानसम्बन्धी जनचेतना व्यापक बनाउनुपर्नेमा जोड दिएका छन् । विश्वभर लाखौँ बिरामी मिर्गौला, कलेजो, मुटु, फोक्सो, अग्नाशय तथा अन्य अङ्ग प्रत्यारोपणको प्रतीक्षामा रहेको उल्लेख गर्दै उनीहरूले समयमै अङ्ग उपलब्ध हुन नसक्दा हरेक वर्ष हजारौँ मानिसले ज्यान गुमाइरहेको बताए ।