कांग्रेस संस्थापन इतर समूहको भेलामा के-के हुँदैछ ?

२९ साउन, काठमाडौं । नेपाली कांग्रेसको संस्थापन इतर समूहले आज काठमाडौंमा राष्ट्रिय भेला आयोजना गर्दैछ । सुकेधारास्थित मिराकल पार्टी प्यालेसमा बिहान साढे ११ बजे हुने राष्ट्रिय भेलालाई निवर्तमान सभापति शेरबहादुर देउवाले उदघाटन गर्नेछन् ।

देउवाले प्रमुख अतिथिको रूपमा भेलालाई सम्बोधन गर्नेछन् । सभापतित्वको आसनग्रहण भेला संयोजक डा. शशांक कोइरालाले गर्नेछन् । देउवा र कोइरालालाई मञ्चमा विशेष आसनको व्यवस्था गरिएको छ ।