बाढीले कास्कीमा दुई पुल बगायो, मन्दिरमा फसेका तीन जनाको उद्धार प्रयास जारी

कास्की- अविरल वर्षापछि आएको बाढीले कास्की र पर्वत जोड्ने दुईवटा मेटल पुल बगाउनुका साथै अन्नपूर्ण गाउँपालिकास्थित अन्नपूर्ण माता मन्दिरमा तीन जना फसेका छन्।

सशस्त्र प्रहरी बलका डीएसपी शैलेन्द्र थापाका अनुसार आज राति करिब २:१५ बजे अन्नपूर्ण गाउँपालिका-५ र ६ को सीमामा पर्ने नयाँपुल-बिरेठाँटी सडकखण्ड नजिकै मोदीखोलामा आएको बाढीले मन्दिरसम्म आवतजावत गर्न प्रयोग हुने कास्की र पर्वततर्फका दुईवटा मेटल पुल बगाएको हो।