कास्की-पर्वत जोड्ने २ वटा पुल बाढीले बगायो, मन्दिरमा मानिस फसे

पोखरा । गएरातिको वर्षाका कारण कास्की-पर्वत जोड्ने पुल बगेको छ । अन्नपूर्ण मन्दिर गएका सर्वसाधारण त्यहीँ अलपत्र परेका छन् ।

राति २:१५ बजे कास्की र पर्वत जोड्ने दुईवटा मेटल पुल बगाएको हो । अन्नपूर्ण गाउँपालिका ५ र ६ को सिमानामा पर्ने नयाँ पुल-बिरेठाटी सडक खण्डको छेउ, मोदीखोलाको बीचमा रहेको अन्नपूर्ण माता मन्दिरमा मानिस अलपत्र परेका छन् । आवतजावत गर्ने दुई मेटलको पुल (पर्वत र कास्कीतर्फ) सहित मन्दिरको आधा भाग समेत नदीले बगाएको छ ।