पाँचतारे होटलमा ग्यासको ठूलो खपत, नियमित स्टकलाई लिएर सरकारको अनुगमन विवादमा

काठमाडौं । पाँचतारे होटलमा खाना पकाउन ठूलो परिमाणमा एलपी ग्यास आवश्यक पर्ने भए पनि त्यसका लागि राखिएको स्टकलाई लिएर सरकारको अनुगमन विवादमा परेको छ। होटल व्यवसायीहरूले नियमित सञ्चालनका लागि आवश्यक ग्यास मौज्दात राख्नु बाध्यता भएको बताएका छन् भने सरकारी पक्षले ठूलो परिमाणमा सिलिन्डर भण्डारण गरिएको विषयमा अनुगमन तथा कारबाही प्रक्रिया अघि बढाएको जनाएको छ।

होटल व्यवसायीका अनुसार पाँचतारे होटलमा सामान्य दिनमा दैनिक करिब ७० सिलिन्डरसम्म ग्यास खपत हुन्छ। पर्यटकको चाप बढेको, सभा–सम्मेलन तथा विशेष कार्यक्रम सञ्चालन भएको दिनमा यो मात्रा १४० सिलिन्डरसम्म पुग्न सक्छ।