आजका लागि कृषिउपजको थोक मूल्य निर्धारण

काठमाडौं- कालीमाटी फलफूल तथा तरकारी बजार विकास समितिले आजका लागि विभिन्न कृषिउपजको अधिकतम थोक मूल्य निर्धारण गरेको छ। समितिले सार्वजनिक गरेको मूल्यसूचीअनुसार तरकारी, फलफूल, हरियो मसला, च्याउ तथा माछासहितका कृषिउपजको मूल्य निर्धारण गरिएको हो।

समितिका अनुसार ठूलो गोलभेँडा नेपालीको मूल्य प्रतिकिलो ७० रुपैयाँ र भारतीयको ८० रुपैयाँ कायम गरिएको छ। सानो गोलभेँडा लोकल ३० रुपैयाँ तथा टनेल ५८ रुपैयाँ प्रतिकिलो तोकिएको छ। यस्तै, रातो आलु लाम्चो ५१, गोलो ५३, मुढे ५३ र भारतीय ३७ रुपैयाँ तथा सेतो आलु ३५ रुपैयाँ प्रतिकिलो रहेको छ। सुकेको भारतीय प्याजको मूल्य प्रतिकिलो ६४ रुपैयाँ तोकिएको छ।