बाजुरामा पहिरोले घर पुरिँदा एकजनाको मृत्यु,दुई घाइते

बाजुरा :बिहीबार साँझदेखि परेको अविरल वर्षाका कारण पहिरोले घर पुरिँदा बाजुराको त्रिवेणी नगरपालिका- ९ ताम्सुमा एकजनाको मृत्यु भएको छ । अन्य दुईजना घाइते भएका छन्। जिल्ला प्रहरी कार्यालय बाजुराका अनुसार अविरल वर्षापछि ताम्सुका ३९ वर्षीय धर्म थापा र ४३ वर्षीय कर्णबहादुर थापाको घर पहिरोले पुरिएको हो ।

मृत्यु हुनेमा त्रिबेणी नगरपालिका- ९ का कर्ण थापाकी छोरी २० वर्षीया प्रतीक्षा थापा हुन् । त्यस्तै सोही ठाउँका ४० वर्षीय धर्म थापा र ४० वर्षीया धौली देवी रावत घाइते भएका छन् । घाइते थापाको दायाँ खुट्टा र शरीरमा चोट लागेको छ भने रावतको टाउको र शरीरका विभिन्न भागमा चोट लागेको जिल्ला प्रहरी कार्यलय बाजुरा सूचना अधिकारी नरेशबहादुर शाहीले जानकारी दिएका छन् ।