एमाले उपमहासचिव भट्टराईको प्रश्न- नेपाललाई असफल राष्ट्र बनाउने षड्यन्त्र त हुँदैछैन?

काठमाडौँ- नेकपा एमालेका उपमहासचिव योगेश भट्टराईले मुलुकमा सामाजिक अराजकता र राज्यआतंक सिर्जना गरेर नेपाललाई असफल राष्ट्र बनाउने षड्यन्त्र भइरहेको त छैन भन्ने प्रश्न उठाएका छन्।

भट्टराईले सामाजिक सञ्जाल फेसबुकमार्फत सरकारको कार्यशैलीप्रति गम्भीर प्रश्न उठाउँदै संसद्लाई कमजोर बनाउनेदेखि न्यायालय कब्जा गर्ने, सुरक्षा निकायलाई लाचार बनाउने र प्रेसमाथि सेन्सरसिप लगाउनेसम्मका गतिविधि भइरहेको आरोप लगाएका हुन्।