मलेसियाको औद्योगिक उत्पादनमा उल्लेख्य वृद्धिः दोस्रो त्रैमासमा ७.७ प्रतिशतको विस्तार

सन् २०२६ को दोस्रो त्रैमासमा मलेसियाको औद्योगिक उत्पादन सूचकांकमा ७.७ प्रतिशतको वृद्धि भएको छ । खानी, उत्पादन (म्यानुफ्याक्चरिङ) र विद्युत क्षेत्रको उत्पादनमा आएको सुधारका कारण औद्योगिक वृद्धिदरमा तिब्रता आएको मलेसियाको तथ्यांक विभागले मंगलबार सार्वजनिक गरेको प्रतिवेदनमा उल्लेख छ । सन् २०२६ को पहिलो त्रैमासमा औद्योगिक उत्पादन वृद्धिदर ४ प्रतिशत रहेकोमा दोस्रो त्रैमासमा यसमा उल्लेख्य सुधार देखिएको हो । विभागकाअनुसार दोस्रो त्रैमासमा खानी क्षेत्रको उत्पादनमा ९.४ प्रतिशत, उत्पादन क्षेत्रमा ७.४ प्रतिशत र विद्युत् क्षेत्रमा ७.३ प्रतिशतको वृद्धि भएको छ । अघिल्लो त्रैमासको तुलनामा औद्योगिक उत्पादन सूचकांक १.९ प्रतिशतले बढेको छ । सन् २०२६ को पहिलो ६ महिना (जनवरी–जुन) को तथ्यांक हेर्दा औद्योगिक उत्पादन अघिल्लो वर्षको सोही अवधिको तुलनामा ५.९ प्रतिशतले बढेको छ । गत वर्षको पहिलो ६ महिनामा यस्तो वृद्धिदर २ प्रतिशत मात्र रहेको थियो । यस अर्धवार्षिक अवधिमा उत्पादन क्षेत्रमा ६.५ प्रतिशत, विद्युत क्षेत्रमा ६.३ प्रतिशत र खानी क्षेत्रमा २.९ प्रतिशतको विस्तार भएको छ ।

जुन महिनाको विवरण अनुसार औद्योगिक उत्पादन वार्षिक ६.५ प्रतिशतले बढेको छ । सो अवधिमा उत्पादन क्षेत्र ७.३ प्रतिशत, विद्युत उत्पादन ६.७ प्रतिशत र खानी क्षेत्र ३.१ प्रतिशतले बढेको छ । मे महिनामा अघिल्लो महिनाको तुलनामा १.४ प्रतिशतको झिनो वृद्धि देखिएकोमा जुन महिनामा ५.५ प्रतिशतको मासिक वृद्धि दर्ता भएको छ ।