मोबाइल बैंकिङबाट क्यूआर भुक्तानी गर्दा स्वत: लक्की ड्रमा सहभागी, १० लाखसम्म जित्न सकिने

काठमाडौं । कामना सेवा विकास बैंक लिमिटेडले आफ्ना ग्राहकलाई नेपाल सरकार, अर्थ मन्त्रालयअन्तर्गत आन्तरिक राजस्व विभागद्वारा सञ्चालित ‘करदाता प्रोत्साहन उपहार कार्यक्रम’मा सहज रूपमा सहभागी गराउने उद्देश्यले मोबाइल बैंकिङ एपमार्फत हुने डिजिटल भुक्तानीलाई उक्त कार्यक्रमसँग जोडेको छ ।

बैंकका ग्राहकले कामना सेवा विकास बैंकको मोबाइल बैंकिङ एपमार्फत Merchant QR मा भुक्तानी गर्दा योग्य कारोबार स्वत: लक्की ड्रमा समावेश हुने व्यवस्था गरिएको बैंकले जनाएको छ । यसका लागि ग्राहकले छुट्टै कारोबार दर्ता वा विवरण अपलोड गर्नुपर्ने छैन ।