माछापुच्छ्रे बैंकले कमायो २ अर्ब ११ करोड, खराब कर्जा भने ४ प्रतिशत नजिक

काठमाडौं- माछापुच्छ्रे बैंकले आर्थिक वर्ष २०८२/८३ को चौथो त्रैमाससम्म २ अर्ब ११ करोड रुपैयाँ खुद नाफा कमाएको छ। यो अघिल्लो आर्थिक वर्षको सोही अवधिको १ अर्ब ८८ करोड रुपैयाँको तुलनामा १२.२३ प्रतिशतले बढी हो।

बैंकको नाफा वृद्धिमा खुद ब्याज आम्दानी, शुल्क तथा कमिसन र सञ्चालन आम्दानीमा भएको सुधारको योगदान देखिएको छ। समीक्षा अवधिमा बैंकको खुद ब्याज आम्दानी ६ अर्ब ७४ करोड रुपैयाँ पुगेको छ, जुन अघिल्लो वर्ष ६ अर्ब ७ करोड रुपैयाँ थियो। कुल सञ्चालन आम्दानी ८ अर्ब ३१ करोड रुपैयाँ पुगेको छ।