बाजुरामा घरमाथिबाट पहिरो खस्दा एक जनाको मृत्यु, दुई घाइते

बाजुरा । बिहीबार साँझदेखि परेको अविरल वर्षाका कारण पहिरोले घर पुरिँदा बाजुराको त्रिवेणी नगरपालिका–९ ताम्सुमा एक जनाको मृत्यु भएको छ भने दुई जना घाइते भएका छन्।

जिल्ला प्रहरी कार्यालय बाजुराका अनुसार अविरल वर्षापछि ताम्सुका ३९ वर्षीय धर्म थापा र ४३ वर्षीय कर्णबहादुर थापाको घर पहिरोले पुरेको हो। पहिरोमा परी मृत्यु हुनेमा त्रिवेणी नगरपालिका–९ का कर्ण थापाकी २० वर्षीया छोरी प्रतीक्षा थापा रहेकी छन्।