नेपाल राष्ट्र बैंकले २० अर्ब रुपैयाँको एकमहिने निक्षेप सङ्कलन उपकरण निष्काशन गर्दै

काठमाडौं– नेपाल राष्ट्र बैंकले २० अर्ब रुपैयाँ बराबरको एकमहिने निक्षेप सङ्कलन उपकरण बोलकबोलमार्फत निष्काशन गर्ने भएको छ । केन्द्रीय बैंकको मौद्रिक व्यवस्थापन विभागले आगामी ३५ दिनका लागि उक्त उपकरण जारी गर्न लागेको हो ।

राष्ट्र बैंकले शुक्रबार प्रकाशित गरेको सूचनाअनुसार बोलकबोलमा सहभागी हुन चाहने बैंक तथा वित्तीय संस्थाले आज अपराह्न ३ बजेसम्म नेपाल राष्ट्र बैंकको अनलाइन बोलकबोल प्रणालीमार्फत मात्र आवेदन दिनुपर्नेछ ।