कुलपति नगरकोटीलाई आफ्नै विगतले अठ्याउँदै

नेपाल प्रज्ञा प्रतिष्ठानको कुलपतिमा साहित्यकार कुमार नगरकोटी नियुक्त भएपछि नियुक्तिको प्रक्रिया, सार्वजनिक आचरण, नैतिकता तथा सरकारको निर्णयमाथि प्रश्न उठ्न थालेको छ। विशेषगरी नगरकोटीले विगतमा दिएको अन्तर्वार्तामा आफूलाई सामाजिक तथा नैतिक रूपमा पतित व्यक्तिका रूपमा प्रस्तुत गरेको विषय अहिले विवादको केन्द्रमा आएको छ।

नेपाल प्रज्ञा प्रतिष्ठान भाषा, साहित्य, कला तथा संस्कृतिको संरक्षण र प्रवर्द्धन गर्ने प्रमुख प्राज्ञिक संस्था भएकाले यसको नेतृत्वमा नियुक्त हुने व्यक्तिको योग्यता र अनुभवसँगै सार्वजनिक आचरण तथा नैतिकताको समेत मूल्यांकन हुनुपर्ने आवाज उठेको छ।