रोल्पाको सुनछहरीमा पहिरोः ४ जनाको मृत्यु

रोल्पा- रोल्पाको सुनछहरी गाउँपालिका–२ भित्रिगामस्थित हारबाङ र फलबाङमा पहिरो जाँदा चार जनाको मृत्यु भएको छ।

अविरल वर्षापछि गएराति गएको पहिरोमा परी सुनछहरी गाउँपालिका–२ भित्रिगाम हारबाङ गिठ्ठेकी ५७ वर्षीया लामी घर्तीमगर तथा सोही वडाको फलबाङका ६५ वर्षीय वीरबहादुर घर्तीमगर, ७० वर्षीया सनी घर्तीमगर र ७० वर्षीया लली घर्तीमगरको मृत्यु भएको रोल्पाका प्रमुख जिल्ला अधिकारी गंगाबहादुर क्षेत्रीले बताउनु भएको छ ।