ट्रम्पको कार्यकाल सकिँदासम्म अमेरिकासँग युद्ध लड्न सक्ने इरानको चेतावनी

काठमाडौं । इरानको इस्लामिक रिभोलुसनरी गार्ड कर्प्स (आईआरजीसी)का कमान्डरका वरिष्ठ सल्लाहकार मोहम्मद रजा नक्दीले अमेरिकी राष्ट्रपति डोनाल्ड ट्रम्पको वर्तमान कार्यकालको अन्त्यसम्म युद्ध जारी राख्न सक्ने बताएका छन् । उनले इरानले युद्ध लम्ब्याएर अमेरिकालाई सैन्य र आर्थिक रूपमा थकाउने तथा भविष्यमा इरानमाथि आक्रमण हुन नदिन बलियो प्रतिरोधात्मक क्षमता अर्थात् ‘डिटरेन्स’ स्थापित गर्न चाहेको संकेत दिएका छन् ।

नक्दीले मंगलबार ‘पीबीएस न्युजआवर’ सँगको कुराकानीमा युद्धलाई लामो समयसम्म जारी राख्नु एउटा विकल्प हुन सक्ने बताए । उनले इरानले युद्धलाई अमेरिकी राष्ट्रपतिको आगामी कार्यकालसम्मै लम्ब्याउन सक्ने र यस अवधिमा अमेरिकाले लगातार नोक्सानी तथा दबाब झेल्नुपर्ने चेतावनी दिए । यसको उद्देश्य भविष्यमा कुनै पनि देशले इरानमाथि आक्रमण गर्नेबारे सोच्दा त्यसको ठूलो मूल्य चुकाउनुपर्ने सन्देश दिनु रहेको उनले बताए ।