गगन थापाको नेतृत्वमा कांग्रेस थप बलियो बन्छ: उपसभापति शर्मा

काठमाडौँ । नेपाली कांग्रेसका उपसभापति विश्वप्रकाश शर्माले विशेष महाधिवेशनबाट निर्वाचित सभापति गगन थापाको नेतृत्वमा पार्टी अझ सबल, एकीकृत र प्रभावकारी भएर अघि बढ्ने दाबी गरेका छन्।

पार्टी कार्यालय सानेपामा जारी केन्द्रीय कार्यसमिति बैठकलाई सम्बोधन गर्दै उपसभापति शर्माले पार्टीभित्र देखिएका राजनीतिक तथा कानुनी अन्योलहरू संवादकै माध्यमबाट समाधान हुने विश्वास व्यक्त गरे। उनले संविधान, प्रचलित कानुन र पार्टी विधानलाई नै मूल आधार बनाएर देखिएका आन्तरिक समस्या हल गरिने स्पष्ट पारेका छन्।