खगराज भट्टले लिए सुदूरपश्चिमको मुख्यमन्त्रीको शपथ, साढे तीन वर्षमा पाँचौँ सरकार

नेकपा (माओवादी केन्द्र) का सुदूरपश्चिम प्रदेश सभा संसदीय दलका नेता खगराज भट्टले सुदूरपश्चिम प्रदेशको मुख्यमन्त्री पद तथा गोपनीयताको शपथ लिएका छन्।

शुक्रबार प्रदेश प्रमुख नजिर मियाँले भट्टलाई मुख्यमन्त्रीमा नियुक्त गरेका थिए। नियुक्तिपछि प्रदेश प्रमुख मियाँले नै उनलाई पद तथा गोपनीयताको शपथ गराएका हुन्। नेकपा (माओवादी केन्द्र) र नेकपा एमालेबीचको समीकरणमा नयाँ सरकार गठन भएको हो।