नीति निर्माणमा हतार नगर्न सरकारलाई महासंघ अध्यक्ष श्रेष्ठको सुझाव

काठमाडौं- नेपाल उद्योग वाणिज्य महासंघका अध्यक्ष अञ्जन श्रेष्ठले सरकारले नयाँ नीति, ऐन तथा कानुन निर्माण गर्दा हतार नगरी निजी क्षेत्र र सरोकारवालासँग पर्याप्त छलफल गर्नुपर्ने बताएका छन्।

नाट्टाको ५९औँ वार्षिक साधारणसभालाई सम्बोधन गर्दै श्रेष्ठले निजी क्षेत्रका सुझावलाई नीति निर्माणमा प्रभावकारी रूपमा समेट्नुपर्ने बताए। सरकार र निजी क्षेत्रबीचको सम्बन्ध नियन्त्रणमा नभई विश्वास र साझेदारीमा आधारित हुनुपर्ने उनको भनाइ छ।