एनपी साउदको टिप्पणी– निर्वाचनले ‘हाम्रो अनुहार बिक्छ’ भन्नेको दाबी भ्रम साबित गरिसक्यो

२९ साउन, काठमाडौं । नेपाली कांग्रेसका नेता एनपी साउदलले ‘पपुलर हौं, हाम्रो अनुहार बिक्छ’ भन्नेहरूको दाबी निर्वाचनको नतिजाले भ्रम रहेको पुष्टि भएको टिप्पणी गरेका छन् । शुक्रबार कांग्रेसको संस्थापन इतर समूहले आयोजना गरेको राष्ट्रिय भेलालाई सम्बोधन गर्दै उनले यस्तो बताएका हुन् ।

‘पपुलर हौं, हाम्रो फेस बिक्छ भन्ने कुरा हाम्रा युवाहरूको दाबी थियो भने पनि त्यो दाबी भ्रम देखियो,’ नेता साउदले भने, ‘त्यो एउटा भ्रम र मिथकभन्दा ज्यादा प्रभाव राख्ने रहेनछ भन्ने प्रमाण गएको निर्वाचन भएको छ ।’