निजी मेडिकल कलेजले निर्वाह भत्ता दिन्न भन्न मिल्दैन: शिक्षा मन्त्री पोखरेल

काठमाडौं- शिक्षा तथा खेलकुद मन्त्री सस्मित पोखरेलले निजी मेडिकल कलेजहरूले सरकारको निर्णय अनुसार नै इन्टर्न र आवासीय (रेजिडेन्ट) चिकित्सकहरूलाई निर्वाह भत्ता उपलब्ध गराउनुपर्ने बताएका छन्।

शुक्रबार मन्त्रालयमा आयोजित सम्पादक तथा मिडिया प्रतिनिधिहरूसँगको छलफलमा सरकारका प्रवक्तासमेत रहेका मन्त्री पोखरेलले निजी कलेजहरूले 'सरकारको निर्णय मान्दिन' वा 'भत्ता दिन्न' भन्न नमिल्ने प्रस्ट पारे।