पूर्वप्रधानमन्त्री खनाल र महामन्त्री सिंहबिच भेटवार्ता : यी हुन छलफलका एजेन्डा

पूर्वप्रधानमन्त्री तथा नेपाली कम्युनिस्ट पार्टीका वरिष्ठ नेता झलनाथ खनाल र नेकपा (मसाल) का महामन्त्री तथा वरिष्ठ वामपन्थी नेता मोहनविक्रम सिंहबिच मुलुकको पछिल्लो राष्ट्रिय राजनीतिक अवस्था र बदलिँदो परिस्थितिबारे छलफल भएको छ।

आज सिंह निवास बनस्थलीमा भएको भेटवार्तामा मुलुकको जटिल बन्दै गएको राजनीतिक परिस्थिति, राष्ट्रिय स्वाधीनता तथा सार्वभौमसत्तामाथि उत्पन्न हुन सक्ने चुनौती र सम्भावित बाह्य हस्तक्षेपका विषयमा गम्भीर चिन्ता व्यक्त गरिएको थियो।