‘सेना कानुन र आदेशबाहिर गएर परिचालन हुँदैन’

काठमाडौं । नेपाली सेनाकी पहिलो महिला प्याराजम्पर अन्नपूर्ण कुँवरले नेपाली सेना कानुन, नियम र आदेशअनुसार मात्रै परिचालन हुने भएकाले संकटका बेला सेनाले भूमिका निर्वाह नगरेको भन्दै आलोचना गर्न नमिल्ने बताएकी छन् ।

‘नेपाली सेना र नागरिकको सम्बन्ध बलियो बनाउने कार्यमा अवकाशप्राप्त सैनिकको कर्तव्य’ विषयमा आयोजित भेटघाट तथा पत्रकार सम्मेलनमा बोल्दै कुँवरले नेपाली सेना अनुशासित संस्था भएकाले सम्बन्धित निकायबाट आदेश र बिफ्रिङ नभएसम्म आफैँ अगाडि बढ्न नसक्ने बताइन् ।