म कुनै गुटमा छैन, पार्टी एकता चाहन्छु : विजय गच्छदार

२९ साउन, काठमाडौं । नेपाली कांग्रेसका पूर्वउपसभापति विजयकुमार गच्छदारले सभापति गगन थापाले मुखले करुणाको कुरा गरेपनि व्यवहारमा करुणा नरहेको टिप्पणी गरेका छन् । कांग्रेसको संस्थापन इतर समूहले आयोजना गरेको राष्ट्रिय भेलामा बोल्दै उनले यस्तो बताएका हुन् ।

पार्टी विभाजनको अवस्थामा पुगेको बताउँदै नेता गच्छदारले आफू दुविधामा रहेको बताए । ‘साउन ६ गते म बडो दुविधामा थिएँ । ३१ गते दुविधामा गएको विराटनगर भाषण गर्न,’ गच्छदारले भने, ‘म दुविधामा छु । किनभने म पार्टी एकता चाहने मान्छे हुँ । म कुनै गुटमा छैन ।’