नाइमा मोबिलिटी एक्स्पो : टाटाका ‘पन्च’ र ‘टियागो’ ईभीमा बढ्दो आकर्षण (भिडियो)

२९ साउन, काठमाडौं । नेपालमा विद्युतीय सवारीसाधन (ईभी) को प्रतिस्पर्धा बढिरहेका बेला टाटा मोटर्सले मूल्य र सुविधा केन्द्रमा राखेर आफ्ना लोकप्रिय ईभी मोडेललाई थप परिमार्जन गरेको छ । यही रणनीति अनुसार नेपालमा नयाँ पन्च र टियागो ईभी बिक्रीमा ल्याइएको छ ।

काठमाडौं भृकुटीमण्डपमा जारी ‘नाइमा नेपाल मोबिलिटी एक्स्पो– २०२६’ मा यी दुई मोडेलले ग्राहकको ध्यान तानेका छन् । विशेषगरी पन्च ईभीको मूल्यमा आएको कमी र टियागो ईभीको किफायती मूल्यले एक्स्पोमा आउने ग्राहकको चासो बढेको देखिन्छ ।