जेनजी आन्दोलनमा कारागारबाट भागेका तीन हजार बढी कैदी-बन्दी भेटिएनन्

काठमाडौं : जेनजी आन्दोलनकोक्रममा भदौ २४ मा विभिन्न कारागारबाट भागेका तीन हजार भन्दा बढी कैदी/बन्दीहरू अझैँ फेला परेका छैनन्। आन्दोलनकाक्रममा नख्खु कारागारबाट राष्ट्रिय स्वतन्त्र पार्टीका सभापति रवि लामिछाने निस्किएपछि देशभरका कारागारमा रहेका कैदी-बन्दीहरू बाहिरिएका थिए।

नेपाल प्रहरीका आइजिपी दानबहादुर कार्कीले शुक्रवार कानुन, न्याय तथा मानव अधिकार समितिको बैठकमा दिएको जानकारी अनुसार भदौ २४ पछि देशभरका कारागारबाट १३ हजार ५ सय ८९ जना कैदी/बन्दी फरार भएका थिए।