बेलायतको संसदमा फारेजबारे पुनः छानबिन सुरु

लण्डन । बेलायतको संसदीय नैतिकता निगरानी निकायले शुक्रबार कट्टर दक्षिणपन्थी राजनीतिज्ञ निगेल फारेजलाई दिएको ५० लाख पाउण्ड (६७ लाख डलर) को उपहारसम्बन्धी छानबिन फेरि सुरु गरेको छ । यो छानबिन उनी उपनिर्वाचनमा सांसदका रूपमा पुनः निर्वाचित भएको केही घण्टापछि सुरु भएको हो ।

फारेजले पूर्वी इङल्याण्डको आफ्नो संसदीय क्षेत्र ‘क्लाक्टन’ सजिलै फिर्ता लिन सफल भएका छन् । उनले त्यहाँबाट सन् २०२४ मा पहिलो पटक जितेका थिए । प्रमुख दलहरूले निर्वाचन प्रक्रियालाई नाटक भनेर बहिष्कार गरेको यो प्रतिस्पर्धामा उनले ६३ प्रतिशत मत पाएका छन् ।