धेरै चिया पिउने बानी छ ? यी कुरामा दिनुस् ध्यान

काठमाडौँ । बिहान उठ्ने बित्तिकै एक कप चिया नपिईकन त दिन नै सुरु हुँदैन अनि साँझसम्म पुग्दा हातमा कति कप चिया परिसकेको हुन्छ थाहा नै हुँदैन । धेरैका लागि चिया पेय पदार्थ मात्र होइन, दैनिक जीवनको सानो हिस्सा हुन्छ ।

कार्यालयमा कामको दबाब, साथीहरूसँग कुराकानी, वा वर्षाको मौसम जस्तो सुकै अवस्थामा पनि मान्छे चियाको कप समातिहाल्छन् । तर समस्या तब सुरु हुन्छ जब दिनभरि एक/दुई कपको सट्टा धेरै कप पिउने बानी बस्छ । चियामा क्याफिन हुन्छ, त्यसैले चियाको मात्रा र समयमा ध्यान दिनु महत्त्वपूर्ण छ । चिया पिएपछि निद्रा, पेट वा बेचैनीसँग सम्बन्धित समस्या अनुभव गर्नेहरूले त झन् यसमा विशेष ध्यान दिनुपर्छ ।