किन छापा मार्ने भन्दै मन्त्रीहरु जथाभावी उत्रिन्छन् ? राज्यका संयन्त्रले काम गर्ने कहिले ?

काठमाडौं । कोहि मन्त्री बनेपछि शुरुमै गर्ने काम के होला ? झ्वाट्ट जवाफ आउँछ, अवलोकन, छापा र तडकभडक । तर, नयाँ जनादेश पाएको राष्ट्रिय स्वतन्त्र पार्टी नेतृत्वको सरकारका मन्त्रीहरुले यस्ता कुरामा ध्यान नदिई धमाधम काम गर्नेछन्। जनतालाई महशुस हुने गरि आफ्नो क्षेत्राधिकारको प्रयोग गर्नेछन्, आम अपेक्षा यस्तै थियो। तर, भइदियो उल्टो। केहि मन्त्रीहरुले छापा हान्नेदेखि अवलोकनमा जथाभावी बोल्दा आफ्नो ओजमात्रै घटाएनन्, सरकारमाथि प्रश्न उठ्ने स्थान समेत निर्माण गरिदिए ।

मन्त्री होस त गोकर्ण विष्ट जस्तो। गणतन्त्रपछि विष्टले विद्युत क्षेत्रमा बक्यौता नतिर्नेहरुको लाइन काटेर वाहवाही कमाए। बक्यौता उठाउने काममा तीब्रता दिए। त्यसपछि गणतन्त्रले दर्जनौं नेताहरुलाई मन्त्री पायो।