के हाम्रा प्राथमिक अस्पताल आफ्नो जिम्मेवारी पूरा गर्न सक्षम छन्?

नेपालका अधिकांश नागरिकले भोग्ने स्वास्थ्य समस्या—जस्तै मधुमेह, उच्च रक्तचाप, दम, थाइराइड, सामान्य संक्रमण, गर्भावस्था सम्बन्धी नियमित सेवा वा बालबालिकाको सामान्य उपचार—यस्ता समस्या विशेषज्ञ अस्पतालमा मात्र उपचार गर्नुपर्ने खालका होइनन्।

यस्ता अधिकांश रोगको पहिचान र उपचार स्थानीय तह अन्तर्गत सञ्चालन हुने प्राथमिक अस्पतालमै सहज रूपमा हुन सक्नुपर्छ। वास्तवमा, यही नै कुनै पनि सक्षम स्वास्थ्य प्रणालीको आधार हो।