इंग्ल्यान्डको फुटबलमा नयाँ नियम, अब समय खेर फाल्ने दिन गए

इंग्ल्यान्डको फुटबलमा २०२६-२७ सिजनदेखि खेलको गति बढाउने उद्देश्यले थुप्रै नयाँ नियम लागू हुने भएका छन्।

विश्वकपमै प्रयोग भइसकेका यी नियमले अब इएफएल, कम्युनिटी शिल्ड, प्रिमियर लिगदेखि तल्लो तहका घरेलु प्रतियोगितासम्म निरन्तरता पाउनेछन्। आइतबार आर्सनल र म्यानचेस्टर सिटीबीच हुने कम्युनिटी शिल्डबाट पनि यसको प्रभाव देखिनेछ। नयाँ नियमको मुख्य निशाना समय खेर फाल्ने गतिविधि हो। खेलाडीले जानाजानी खेल ढिलो गर्ने, खेलको गति रोक्ने तथा अग्रता जोगाउन समय कटाउने प्रवृत्तिलाई निरुत्साहित गर्ने उद्देश्यले नियम कडा पारिएको हो।