सरकारका गतिविधिले संस्थागत क्षय र लोकतान्त्रिक पछ्यौटेपन बढाउँदैछ: अजयबाबु शिवाकोटी

काठमाडौँ। नेपाली कांग्रेसका केन्द्रीय सदस्य अजयबाबु शिवाकोटीले सरकारका गतिविधिका कारण राज्यका संस्थाहरूको क्षमता, निष्पक्षता, विश्वसनीयता र प्रभावकारिता कमजोर हुँदै गएको बताएका छन्।

कांग्रेस नेतृत्व समितिको बैठकमा बोल्दै शिवाकोटीले अदालत, संसद्, निर्वाचन आयोग, निजामती प्रशासन, सुरक्षा निकाय, विश्वविद्यालय, प्रज्ञा प्रतिष्ठान, राजनीतिक दल तथा सार्वजनिक संस्थाहरूले आफ्नो मूल जिम्मेवारी प्रभावकारी रूपमा पूरा गर्न नसक्ने अवस्था सिर्जना हुँदै गएको बताए।