सुस्तामा नारायणीको कटान तथा डुबान

रूपन्देही । समयमै तटबन्ध नभएकोले नारायणी नदीमा आएको बाढीको कारण पश्चिम नवलपरासीको सुस्तामा डुबान भएको छ भने कटान बढेपछि स्थानीयमा त्रास बढेको छ। सो गाउँपालिका-५ को थारू टोलमा नारायणीको बाढीले जलमग्न भएको हो।

सुस्ता बचाउ युवा अभियानका संयोजक योगेन्द्र गौतमले समयमै तटबन्ध नगरिएकाले नेपाली सीमा रक्षक बनेर बसेका सुस्तावासी डुबानको कारण थप समस्यामा परेको जनाएका छन् । कटान बढेपछि स्थानीयमा त्रास बढेको उनले जनाए ।