गण्डकीमा रेडियो र टेलिभिजनको दर्ता नवीकरण अब अनलाइनबाटै

पोखरा । गण्डकी प्रदेशमा सञ्चालित रेडियो तथा टेलिभिजनको दर्ता र नवीकरण प्रक्रिया अब अनलाइनबाटै गर्न सकिने भएको छ । प्रेस रजिष्ट्रारको कार्यालय, गण्डकीले छुट्टै सफ्टवेयरमार्फत प्रसारण संस्थाको दर्ता तथा नवीकरण सेवा सुरु गरेको हो ।

अनलाइनबाट नवीकरण गरिएका रेडियो र टेलिभिजनलाई शुक्रबार पहिलोपटक प्रदेशमै नवीकरण प्रमाणपत्रसमेत प्रदान गरिएको छ । यससँगै प्रसारण संस्थाको इजाजतपत्र नवीकरणका लागि काठमाडौं धाउनुपर्ने बाध्यता अन्त्य भएको प्रेस रजिष्ट्रार विमला भण्डारीले बताइन् ।