इन्डोनेसिया भूकम्प अपडेट: मृतकको संख्या ३८ पुग्यो

काठमाडौं। इन्डोनेसियाको फ्लोरेस टापुमा शनिबार बिहान गएको ७.७ रेक्टर स्केलको शक्तिशाली भूकम्प जाँदा मृत्यु हुनेको संख्या ३८ पुगेको छ। इन्डोनेसियाको विपद् व्यवस्थापन निकायका अनुसार भूकम्पमा केही मानिस घाइते भएका छन्।

भूकम्पपछि खोजी तथा उद्धार कार्य सुरु भएसँगै मृतकको सङ्ख्या बढिरहेको अधिकारीहरूले बताएका छन्। भूकम्प र त्यसपछि आएका दर्जनौँ परकम्पका कारण विभिन्न क्षेत्रमा भवन तथा संरचनामा क्षति पुगेको छ।