जापानी उपनिवेशबाट मुक्ति भएको दिन दक्षिण कोरियाली राष्ट्रपतिद्वारा उत्तरसँग युद्ध अन्त्यको प्रस्ताव

दक्षिण कोरियाका राष्ट्रपति ली जे म्युङले दुई कोरियाबिचको लामो समयदेखि चलिरहेको युद्ध अन्त्य गर्न र उत्तर कोरियाको आणविक कार्यक्रम रोक्न व्यावहारिक छलफलको प्रस्ताव राखेका छन्।

जापानको औपनिवेशिक शासनबाट कोरिया मुक्त भएको ८१ औं वार्षिकोत्सवको अवसरमा शनिबार सियोलको सेजोङ सेन्टरमा आयोजित राष्ट्रिय मुक्ति दिवस समारोहमा उनले यस्तो प्रस्ताव राखेका हुन्। समारोहलाई सम्बोधन गर्दै राष्ट्रपति लीले भने, ‘हामी एकअर्कालाई धम्की दिने आफ्नो मनसायलाई तल राखौं र प्रत्यक्ष रूपमा संलग्न पक्षहरूको रूपमा लामो समयदेखि चलिरहेको युद्ध अन्त्य गर्न छलफल सुरु गरौं।’ उनले यस प्रक्रियामा उत्तरको आणविक क्षमताको विकास रोक्न प्रभावकारी तरिकाहरू पनि छलफल गर्न सकिने बताए।