स्वास्थ्य बीमामा यसरी घरमै बसी आबद्ध हुनुहोस्...

काठमाडौँ । स्वास्थ्य बीमा बोर्डले नागरिकहरूलाई स्वास्थ्य सेवामा सहज पहुँच पुर्‍याउने उद्देश्यले नयाँ परिवार दर्ता प्रक्रिया पूर्ण रूपमा अनलाइन बनाएको छ । अब स्वास्थ्य बीमामा आबद्ध हुनका लागि सर्वसाधारणले सरकारी कार्यालय धाउनुपर्ने र लामो लाइन बस्नुपर्ने बाध्यता हटेको छ ।

सेवाग्राहीले आफ्नै मोबाइल वा कम्प्युटरमार्फत बोर्डको आधिकारिक वेब पोर्टल (eportal.hib.gov.np) मा गएर वा क्युआर कोड स्क्यान गरी सहजै नयाँ दर्ता प्रक्रिया अघि बढाउन सक्नेछन् । दर्ता प्रक्रिया सुरु गर्नुअघि सेवाग्राहीले आफ्ना आवश्यक विवरणहरू जस्तै– चालु मोबाइल नम्बर, राष्ट्रिय परिचयपत्र नम्बर वा जन्म मिति, परिवारका सदस्यहरूको विवरण, नाता प्रमाणित र बसाइँसराइको कागजात (आवश्यक परेमा) तयार राख्नुपर्नेछ ।