नेपालको अभिव्यक्ति स्वतन्त्रतामाथि प्रश्न

नेपालले लोकतन्त्रका लागि लामो संघर्ष गरेको छ। व्यवस्था परिवर्तन भए, संविधान फेरियो र जनताले आफ्ना प्रतिनिधि चुनेर सरकार बनाउने अधिकार पाए। तर लोकतन्त्रको वास्तविक मापन निर्वाचन र संसद्को अंकगणितले मात्र हुँदैन।

लोकतन्त्रको स्वास्थ्य यी कुराले निर्धारण गर्छन्- नागरिकले निर्भय भएर बोल्न पाउँछन् कि पाउँदैनन्, पत्रकारले स्वतन्त्र रूपमा समाचार लेख्न सक्छन् कि सक्दैनन्, व्यवसायीले त्रासबिना उद्यम गर्न सक्छन् कि सक्दैनन् र राज्यका निकायले निष्पक्ष रूपमा कानुन कार्यान्वयन गर्छन् कि गर्दैनन्।