ग्यासका लागि परिचयपत्र बोकेर घण्टौं लाइनमा सर्वसाधारण, ‘दालमोठ र चिउरा’को भरमा दैनिक गुजारा!

काठमाडौं : बजारमा एलपी ग्यासको अभाव हुँदा काठमाडौंका विभिन्न पाँच स्थानबाट ग्यास बिक्री वितरणको व्यवस्था मिलाएपछि शनिबार बिहानैदेखि परिचयपत्र र खाली सिलिन्डर बोकेका उपभोक्ताहरूको लामो लाइन देखियो।

नेपाल आयल निगमले जिल्ला प्रशासन कार्यालय काठमाडौंसँगको समन्वयमा विभिन्न ग्यास उद्योगमार्फत काठमाडौंको बबरमहल, टेकु, चाबहिल, कीर्तिपुर र बसुन्धराबाट ग्यास बिक्रीको व्यवस्था मिलाएको थियो।