‘हाम्रै पालामा पिच सडकमा हिंड्न पाइएला जस्तो छैन’

३० साउन, रवि (पाँचथर) । पाँचथरको मिक्लाजुङ गाउँपालिका-७ को लेखगाउँमा पानी दर्किंदै थियो । दर्के पानीपछि आएको भेल बीचै सडकबाट बगिरहेको थियो । भेलले सडकको ग्राबेल बगाएर खाल्डो बनाउँदै गरको देखिन्थो ।

सडक छेउकै पसलमा नानी बोकेर उभिएकी मनकुमारी राई भन्दै थिइन् ‘बुढेसकालमा भएपनि घर छेउबाटै पिच बाटोबाट गाडी चढ्ने आस पनि मरिसक्यो । हाम्रै पालामा यहीँबाट पिच बाटोमा हिंड्न पाइएला जस्तो छैन ।’