कांग्रेस इतर समूहको भेला ‘राष्ट्रिय सम्मेलन’मा रूपान्तरण: एकताको महाधिवेशन बनाउने बटमलाइन

नेपाली कांग्रेसको संस्थापन इतर समूहले काठमाडौंमा आयोजना गरेको राष्ट्रिय भेलालाई ‘राष्ट्रिय सम्मेलन’मा रूपान्तरण गरेको छ। शुक्रबार भेलाका रूपमा उद्घाटन गरिएको कार्यक्रम शनिबारदेखि सम्मेलनका रूपमा अघि बढाइएको हो।

सम्मेलनको दोस्रो दिन विभिन्न प्रस्ताव तथा प्रतिवेदनमाथि प्रदेशगत रूपमा छलफल गरिएको छ। बन्दसत्रमा देशभरबाट आएका करिब ३ हजार ५ सय प्रतिनिधि विभिन्न समूहमा विभाजित भएर प्रस्तुत प्रतिवेदनमाथि छलफलमा सहभागी भएका छन्।