भारतीय सैन्य सेवामा रहेका दिवंगत नेपालीका परिवारलाई ८ करोड २० लाखको बीमा रकम हस्तान्तरण

नेपाल समाचारपत्र, काठमाडौं

नेपालका लागि भारतीय राजदूत नवीन श्रीवास्तवले शनिबार भारतीय सशस्त्र बलका दिवंगत ११ जना कर्मचारीका श्रीमती तथा निकटतम नातेदारलाई कुल ८ करोड २० लाख रुपैयाँको बीमा रकम हस्तान्तरण गर्नुभएको छ। काठमाडौंस्थित भारतीय दूतावासमा शनिबार आयोजित भारतको ८०औँ स्वतन्त्रता दिवस समारोहका अवसरमा राजदूत श्रीवास्तवले भारतीय सेनामा कार्यरत दिवंगत नेपाली सैनिकका परिवारलाई उक्त रकमबराबरको आर्मी ग्रुप इन्स्योरेन्स फण्ड चेक हस्तान्तरण गर्नुभएको हो।