सरकारको ताल यस्तै रहे मुलुकमा मध्यावधि चुनाव हुन्छ: शशांक

नेपाली कांग्रेसका नेता डा. शशांक कोइरालाले वर्तमान सरकारको कार्यशैलीप्रति असन्तुष्टि जनाउँदै सरकारले ठोस र जनपक्षीय काम गर्न नसकेको टिप्पणी गरेका छन्। उनले सरकारको काम गर्ने शैलीमा सुधार नआए मुलुक मध्यावधि निर्वाचनतर्फ जान सक्ने बताएका छन्।

शनिबार काठमाडौंमा नेपाली कांग्रेसको संस्थापन इतर पक्षले आयोजना गरेको राष्ट्रिय भेलाका क्रममा सञ्चारकर्मीसँग कुरा गर्दै कोइरालाले बहुमतको समर्थन प्राप्त सरकार भए पनि अहिलेसम्म कुनै नयाँ नीति तथा कार्यक्रम ल्याउन नसकेको बताए।