एन्टिबायोटिक जथाभावी प्रयोग नगर्न सुझाव

मधेस प्रदेशका मुख्यमन्त्री कृष्णप्रसाद यादवले एन्टिबायोटिक औषधिको जथाभावी प्रयोगले स्वास्थ्यमा गम्भीर जोखिम निम्त्याउन सक्ने भएकाले यसको प्रयोगमा सबै सचेत हुनुपर्ने बताएका छन् ।

जथाभावी एन्टिबायोटिक प्रयोगविरुद्ध जनकपुरधाममा आज आयोजित कार्यक्रममा मुख्यमन्त्री यादवले चिकित्सकको सल्लाहबिना एन्टिबायोटिक सेवन गर्ने, आवश्यकताभन्दा बढी प्रयोग गर्ने तथा चिकित्सकले तोकेको अवधिभन्दाअगावै औषधि सेवन गर्न छाड्ने प्रवृत्तिले भविष्यमा औषधिले काम नगर्ने अवस्था सिर्जना हुनसक्ने बताए ।