पाटन बारको अध्यक्षमा निरौला विजयी

काठमाडौँ, ३० साउनः उच्च अदालत बार एसोसिएसन नयाँ पदाधिकारीका लागि आज भएको निर्वाचनमा अध्यक्ष सेवन्तराज निरौला विजयी हुनुभएको छ । उहाँले एक हजार १५२ मत ल्याएर विजयी हुनुभएको हो ।

अध्यक्षमा विजयी हुनुभएका निरौला बृहत प्रगतिशील तथा पेशागत समूहबाट उठ्नुभएको थियो । उहाँको प्रतिस्पर्धी डेमोक्रेटिक लयर्स एसोसिएसनबाट अध्यक्षमा देवीप्रसाद रिजालले १२२ मत र स्वतन्त्र कानुन व्यवसायी मञ्चबाट अध्यक्ष भेषराज पोखरेलले १९९ मत प्राप्त गर्नुभएको छ ।