रूखसहितको ठूलो सुख्खा पहिरो खस्दा पृथ्वी राजमार्ग अवरुद्ध

काठमाडौँ- पहिरो खसेर पृथ्वी राजमार्ग अवरुद्ध बनेको छ। चितवनको इच्छाकामना गाउँपालिका–५ स्थित सिमलधारामा राजमार्गमाथिबाट रूखसहितको ठूलो सुख्खा पहिरो खस्दा सडक दुवैतर्फी अवरुद्ध भएको प्रहरीले जनाएको छ।

शनिबार राति करिब १०:२५ बजे खसेको पहिरोका कारण नारायणगढ–काठमाडौँ सडकखण्ड पूर्णरूपमा बन्द भएको हो। पहिरो पन्छाएर यातायात सञ्चालनमा ल्याउन कम्तीमा ६-७ घण्टा समय लाग्ने अनुमान गरिएको प्रहरीले जनाएको छ।