स्याङ्जामा पूर्वाधार विकास कार्यालयको बजेट ५५ प्रतिशत मात्रै खर्च

३१ साउन, स्याङ्जा । पूर्वाधार विकास कार्यालय स्याङ्जाले आर्थिक वर्ष २०८२/८३ मा विनियोजित बजेटको ५४.६४ प्रतिशत खर्च गरेको छ । कार्यालयले एक अर्ब नौ करोड ८१ हजार ८३ रुपैयाँमध्ये ५९ करोड ५६ लाख ७१ हजार ७८० रुपैयाँ खर्च गरेको हो ।

कार्यालय प्रमुख गुरुदत्त अधिकारीका अनुसार प्रदेशतर्फका ११६ र संघतर्फका पाँच गरी कार्यालयअन्तर्गत १२१ योजना थिए । तीमध्ये ६१ वटा योजना सम्पन्न भएका छन् भने ५३ वटा निर्माणाधीन अवस्थामा छन् । सात वटा योजनामा भने काम हुन सकेन ।