बडिमालिका र खप्तडमा खिचिँदै ए मेरो हजुर ५

निर्माता सुनिलकुमार थापा र अभिनेत्री तथा निर्देशक झरना थापा दम्पतीको ए मेरो हजुर ५ को निर्माण कार्य सुरु भएको छ। शुक्रवार ललितपुरस्थित बंगलामुखी मन्दिरमा शुभसाइत पूजा गर्दै फिल्मको निर्माण कार्य अगाडि बढाइएको हो।

निर्माता सुनिलकुमार थापाले नेपाली फिल्म उद्योगमा करिब तीन दशकको यात्रापछि नयाँ उत्साह र सपनासहित ए मेरो हजुर ५ को सुरुवात गरेको बताएका छन्। सुहाना इन्टरटेनमेन्टको ब्यानरमा निर्माण हुने फिल्ममा अनमोल केसी र सुहाना थापाले मुख्य भूमिकामा निरन्तरता पाएका छन्। फिल्ममा दिलीप रायमाझी, झरना थापा, सलोन बस्नेत, निरज पन्थी र आशा भुसालको पनि अभिनय रहनेछ।