स्रष्टा पाण्डेको छैटाैं कृति 'आँगन'को परिचर्चा

झिल्काकार सुरेशकुमार पाण्डेको झिल्का कवितासङ्ग्रह 'आँगन' को समीक्षा कार्यक्रम भएको छ। राप्ती साहित्य परिषद् दाङ शाखाको आयोजनामा सञ्चालन भएको उक्त कार्यक्रममा कृतिका सम्पादक समेत रहेका साहित्यकार एवम् झिल्का साहित्य समाज नेपालका अध्यक्ष वसन्त अनुभवले उक्त झिल्का काव्यकृतिको समीक्षा गरेका थिए।

समीक्षाको क्रममा समीक्षक वसन्त अनुभवले आँगन एउटा पुस्तक मात्र नभएर सामाजिक, राजनैतिक, सांस्कृतिक चेतना ल्याउने महत्त्वपूर्ण दस्तावेज भएकाे बताए।