जाजरकोटमा पहिरो : १० जना घाइते, तीन जना बेपत्ता

जाजरकोट। अविरल वर्षापछि आएको पहिरोले घर तथा टहरा भत्किँदा जाजरकोटको भेरी नगरपालिकामा १० जना घाइते भएका छन् भने तीन जना सम्पर्कविहीन भएका छन्।

शुक्रबार दिउँसो करिब ४ बजेदेखि परेको लगातार वर्षाका कारण भेरी नगरपालिका–२ रिसाङलगायतका क्षेत्रमा पहिरो गएको हो । पहिरो प्रभावित क्षेत्रमा उद्धार तथा खोजीका लागि नेपाली सेना, नेपाल प्रहरी र सशस्त्र प्रहरी बलका ५० जना सुरक्षाकर्मी परिचालन गरिएको छ ।